Liefde
Ek het die afgelope tyd baie aan God se Liefde en my Liefde gedink. En toe kry ons gister ‘n preek wat gaan oor Liefde en Grense
Die kern van my denke is Joh 3:16 – Want so lief het God die wêreld gehad
Dit gaan oor
gelowiges nie
Dit gaan nie oor Jode nie
Dit gaan nie oor goeie mense nie
Dit gaan oor die hele wêreld
God het almal lief
En daar is geen
sprake van grade van liefde nie
Dit is goddelike agapé liefde – volmaakte liefde
God het elkeen in die wêreld ten volle lief
Dit beteken dat
ek ook almal ten volle lief moet hé
Want ek moet soos Christus wees
Nie diegene wat vir my lief is
Nie diegene wat ek van hou
Nie my mede-gelowiges nie
Almal
Grense
Dit bring my by
die preek
Christiaan het gepraat oor God se liefde wat sonder grense is
En afgesluit met
die kerk se leuse
Die Liefde van God
vir alle mense
oor alle grense heen
Diegene wat ek nie lief wil hê nie
Wat van diegene
wat ek nie wil liefhê nie
Die een wat my te na gekom het
Die een wat my bedrieg het
Die een wat my seergemaak het
Die een wat by my huis ingebreek het
Die reeksmoordenaar
Die pedofiel
Politieke figure soos Zuma of Malema
Historiese figure soos Adolf Hitler
Is hulle nie deel van almal nie
Ook hulle moet ek liefhê
Hoekom sukkel ek om lief te hê
Christiaan het tydens die preek gepraat oor die wat ons nie liefhet nie
Toe het ek
gewonder wat hou my terug van liefde te wys teenoor ander
Ek kon drie redes identifiseer
Selfsug
Ek wil nie van
myself en selfs nie eens van my goed of my tyd gee nie.
Ek moet daaraan werk om te sien waar ek liefde kan bewys
En dan stry teen die ingebore selfsug
Maar dit is moeilik
Onsekerheid
Baie keer as ek
iets wil doen, is ek onseker oor of dit aanvaarbaar is om dit te doen
Sê nou maar ek gee aanstoot
Ek moet maar my onsekerheid agtertoe skuif en optree
Maar ook dit is moeilik
Vrees
Vrees – veral vrees vir verwerping kom soos ‘n groot swart wolk voor my op
Sê nou maar die persoon weier om dit te aanvaar
Of hy dink ek het bybedoellinge
of ….
of ….
Hierdie is my grootste struikelblok
Ek sukkel om by dit verby te kom
Dit is die heel moeilikste
Hoe wys ek liefde
Eers moet ek na
my ingesteldheid kyk
Ek is so geneig om te veroordeel
– hy glo nie soos ek nie
– hy is nie so goeie mens nie
– dit is sy skuld dat hy in die toestand is
– hy doen slegte goed
– ek hou nie van hom nie
Ek moet leer om
elkeen te aanvaar soos hy is
Dit beteken nie dat ek sy dade goedkeur nie
Maar as ek hom nie aanvaar nie, gaan ek nie by hom uitkom nie
Ek moet vir hom wys ek gee om vir hom, net soos hy is
Al is sy velkleur
‘n ander kleur as myne
en al is hy net ‘n werker, of selfs werkloos
Moet ek omgee
Moet ek hom as mens sien
Moet ek hom sien as iemand wat God so liefhet dat Hy Sy Seun gegee het
Al het hy met sy taxi voor my ingery
Of al het hy my goed gevat
Of al gebruik hy die Naam van die Here ydelik
Moet ek omgee
Moet ek hom as mens sien
Moet ek hom sien as iemand wat God so liefhet dat Hy Sy Seun gegee het
Al glo hy anders as ek
al is hy ‘n Moslem of Hindoe of selfs ateïs
al het hy iemand doodgemaak
al het hy ‘n kind gemolesteer
Moet ek omgee
Moet ek hom as mens sien
Moet ek hom sien as iemand wat God so liefhet dat Hy Sy Seun gegee het
Al het hy wat
gedoen
Al is hy wie ook al
Moet ek omgee
Moet ek hom as mens sien
Moet ek hom sien as iemand wat God so liefhet dat Hy Sy Seun gegee het
Slot
Die Liefde van God
vir alle mense
oor alle grense heen
Sonder verskonings
Sonder terughouding
As dit net nie so moeilik was nie
My reis met God 